கரூர் சம்பவத்தில் உயிரிழந்த 41 பேரின் திருவுருவப் படங்களுக்கு தூத்துக்குடி மத்திய மாவட்ட தமிழக வெற்றி கழகம் சார்பில் மெழுகுவர்த்தி ஏந்தி அஞ்சலி செலுத்தும் நிகழ்ச்சி ஸ்டேட் வங்கி காலனி 12-வது வார்டில் நடைபெற்றது.
தமிழக வெற்றி கழகத் தலைவர் மற்றும் முதலமைச்சர் C. ஜோசப் விஜய் ஆணைக்கிணங்கவும், தவெக பொதுச் செயலாளர் அமைச்சருமான ஆனந்த் வழிகாட்டுதலின்படியும், தூத்துக்குடி மத்திய மாவட்ட செயலாளரும் மீன்வளத்துறை அமைச்சருமான ஸ்ரீநாத் ஆலோசனைப்படி இந்நிகழ்ச்சி நடைபெற்றது.
தூத்துக்குடி மத்திய மாவட்ட இணைச் செயலாளரும், முன்னாள் மாமன்ற உறுப்பினருமான M. கோல்டன் தலைமையில் நடைபெற்ற அஞ்சலி நிகழ்ச்சிக்கு, வடமேற்கு பகுதி செயலாளர் சதீஷ்குமார் ஏற்பாடு செய்திருந்தார். 12-வது வார்டு வட்டச் செயலாளர் சேர்மதுரை முன்னிலையில், கரூர் சம்பவத்தில் உயிரிழந்த 41 பேரின் திருவுருவப் படங்களுக்கு மெழுகுவர்த்தி ஏந்தி மலரஞ்சலி செலுத்தப்பட்டது.
நிகழ்ச்சியில் பகுதி செயலாளர்கள் முத்துபாலன், ராமச்சந்திரன், மாரிமுத்து, இசக்கிமுத்து உள்ளிட்ட நிர்வாகிகள், வட்டச் செயலாளர்கள் ராஜா, இக்னேஷியஸ், 12-வது வார்டு இணைச் செயலாளர் சக்திகுமார், துணைச் செயலாளர்கள் மாரியம்மாள், சந்தியா, சீதாலட்சுமி, நான்சி மகேஸ்வரி உள்ளிட்ட ஏராளமான தமிழக வெற்றி கழக நிர்வாகிகள் மற்றும் தொண்டர்கள் கலந்து கொண்டு உயிரிழந்தவர்களுக்கு அஞ்சலி செலுத்தினர்.
